My graad drie skapies skryf die oggend Afrikaanse sinne dat die sop so spat. Skielik kom die skril blêr: “Mêêêêêm, Moedie baaitet maai hêêênd! WHAAAAAA!” Die herder wip ‘n meter hoog soos sy skrik!
“Hie did toek maai styshineree wiffout aaskieng…” verdedig Moedi in dubbele verlede tyd. Die wenende sit met ‘n verklikkende stompiespotlood in sy hande. Uitgevang!
“SIEEEESSSS, both of you,” grom die herder grimmig en slaan haar oë op na Eikenhof se heuwels, “Nou gaat julle almal werk en ek wil nie weer ‘n piep of ‘n blêr uit een van julle se bekkies hoor nie, Verstaan julle vir my baie mooi?”
“Yêêês, Mêêêm,” blêr die botterbekkies. Die herder kyk met sagte oë na haar kudde. Soms wil sy hulle vermoor, maar laat iemand anders net aan hulle raak!
Buurvrou het ‘n sensitiewe neus en is hiperhigiënies. Die herder loer vinnig in by haar klas om die wiskunde te bespreek. ‘n Skapie kom knyp- knyp na ons toe aangesluip. Saam met die benoude kom ‘n verdagte doodsreuk. “Genade ons”, sê die herder vir Buurvrou, “sê die kind moet onmiddellik badkamer toe gaan.”
” May I ghou toe the tooooilit, Mêêêêm,” blêr die rammetjie en trippel benoud tond. Met dié dring die doodsreuk Buurvrou se sensitiewe neusgate ook binne.
” Did you fart? Or did you pooh in your pants,” vra Buurvrou ontaktvol terwyl haar armhare regopstaan.
” I jast faaaartit, Mêêêm,” sê die rammetjie met ‘n benoude uitdrukking op die gevreetjie.
” Go, GOOO! Take paper and wash your hands,” roep die Buurvrou desperaat uit,Sy gee ‘n paar fris spuite met haar deodorant in die klas. Die voorste ooitjies druk hulle kloutjies vies oor hulle snoetjies en die ogies rol wit in die kaste.
” Tyyyyk teeeeshooo!” moedig hulle die slagoffertjie geesdriftig aan. Buurvrou help die kind omtrent by die deur uit. ” Are you sure you did not pooh in your pants?” roep sy agter hom aan.
“ Nooooo, Mêêêm…” blêr hy oor sy skouer en nael dat hy so klein word.
Die herder lag. “Doen die vingertoets,” sê ek moedswillig vir die paniekerige juffrou. Toe gril sy eers!
Na pouse staan ‘n briesende leier met drie graad een lammertjies voor my deur. Twee van hulle het haar gevloek, sê sy. Hulle het gesê sy is ‘n “tokkolosie wiff a baboon hêd.” Die derde een is die ”witness”. Hy staan met ‘n selftevrede haasbekkie daar rond asof hy ‘n hoender in die bank het.
”Eet julle met daai monde,” vra die herder vies vir die twee kleintjies, “ag nie siesa man!”
Hulle het darem die oordentlikheid om skaam te kry. Die herder stuur hulle terug klas toe met die allergruwelikste doodsdreigemente. Stert tussen die beentjies sluip hulle terug.
Die res van die dag verloop redelik vlot. Die herder lief haar werk, want daar is nimmer ‘n vervelige ookblik in die Britse skaapkraal.
“Hy staan met ‘n selftevrede haasbekkie daar rond asof hy ‘n hoender in die bank het.”
Ek síén hom!
LikeLike
Te ougat geskryf. Daar is verseker altyd aksie in die skaapkraal
LikeLiked by 1 person
Baie aksie, mens weet nooit wat gebeur volgende nie!
LikeLike
Ek het al geskater by “baaitet maai hêêênd! ” Is dit nie so tipies van kleintjies daardie ouderdom nie? Ek geniet die skapies se geblêr!
LikeLiked by 1 person
Baie dankie! XXXX
LikeLike
Die geure wat hul kan uitlaat is onglooflik vlambaar as mens dit so kan noem. Lekker gelees
LikeLiked by 1 person
Geeeftig vlambaar, hehe!
LikeLike
Beslis nie n vuurhoutjie daar trek nie. Jy sal n weerligstraal laat blits tot waar die begin! Ha ha, lekker kry ek nou
LikeLiked by 1 person
Bwaahaahaa!
LikeLiked by 1 person
Ek hoop jy hou ‘n dosie vuurhoutjies aan..niks kom by ‘n getrekte vuurhoutjie om geurtjies in ‘n klas te verbloem nie.Jy skryf pragtig!
LikeLiked by 1 person
Dankie vir die kompliment. Hehe, ja, ek het al vergeet van die vuurhoutietruuk
LikeLiked by 1 person
Mmmm dit klink jy berlang al klaar terug. Geniet die naweek
LikeLiked by 1 person
Mens mis die spulletjie… XXX
LikeLike
VERLANG Skuus vir die spelling. Ja en dag twee wens jy … Oo ek wens dis vakansie
LikeLike
Beslis ligter én swaarder oomblikke!! Baie goed geskryf.
LikeLiked by 1 person
Baie dankie! XXXX
LikeLike
Oulik geskryf. Lekker om te sien hoe dinge afspeel in jou klas.
LikeLiked by 1 person
Baie dankie! xxxx
LikeLike